Kiçik Venesiya, Londonun səs-küyündən dincəlmək üçün mükəmməl bir yerdir. Burada səs-küylü avtomobillər və turistlər yoxdur. Kanalların etrafında gəzərək təzə otun qoxusundan zövq alıb, sahil boyunca düzəldilmiş qayıqlara heyran qalırsınız və xüsusi bir ahəngdarlıq hiss edirsiniz. Bəzən şəhərin turist bələdçilərində qeyd olunmayan hissəsinə düşmək və yerli sakinlərin çox sevdiyi şeylərdən zövq almaq xoşdur.

Kiçik Venesiya nədir?

London, şübhəsiz ki, kanal şəbəkələri ilə məşhur olan şəhərlərdən deyil, lakin bununla yanaşı dar su yollarının sahilində gəzə biləcəyiniz bir guşə var. Londondakı kiçik Venesiya üç kanalın bir anda kəsişdiyi əraziyə aiddir: Grand Union Kanalı, Regent's Kanalı və Paddington hövzəsi. Maraqlıdır ki, rayon həm də özünəməxsus memarlığı ilə fərqlənir: ətraf küçələrdə iki-üç mərtəbəli evlər 19-cu əsrin əvvəllərində, Regganlar dövründə tikilmişdir. Binaların bu memarlıq üslubu neo klassikizmə əsaslanır və xarici görünüşdə sadəliyi ifadə edir; bu ərazidə, demək olar ki, bütün evlər ağ rəngdədir, hamısının girişində eyni  bağçalar var. Küçələrdən keçərkən,elə görünə bilər ki, biz uzun  bir binanın qapilarının yanından keçirik, amma bu, bir-birinə yaxın  çox sayda ayrı evlərdir.

Oraya necə getmək olar?

Bu ərazinin yeri Londonun uzun gəzintilərindən birində ziyarət üçün çox əlverişlidir, çünki şəhərin mərkəzi hissəsində, Hyde Parkdan, Baker prospektindən bir yarım saatlıq məsafədə və Paddington stansiyasından cəmi 10 dəqiqəlik məsafədə yerləşir. Ən yaxın metro dayanacaqları bunlardır: Warwik prospekti, Royal Oak, Edgware Road və Paddington.